金記冰室 (康怡廣場北座)

营业中

休息中

就算钟意食茶餐厅都会注意佢嘅环境同埋气氛，已见到呢一间喺太古啱啱开金记冰室，到咗晚饭时间出边已经好多人喺度排队，等左一阵就安排我哋入座。我哋叫咗一个美式杂扒套餐，份量超级多入边会有唔同嘅扒类「猪牛鸡等等，仲会有肠仔同埋烟肉」我哋就拣咗薯条，酱汁亦都有三种我哋就拣咗蒜蓉汁。见到附近有好多人喺度食紧海南鸡饭而我见到佢嘅价钱包埋嘢饮/餐汤，一碟鸡同埋油饭。海南鸡饭嘅鸡非常嫩滑，而且唔会有骨，以佢哋嘅油饭，软硬适中。旁边总会有鸡蓉花生酱油等等嘅调味料。晚上时间佢仲有好多唔同嘅套餐，我哋本身谂住叫碟菜不过见到佢嘅套餐入边都有，而且可以陪埋白饭都真系几抵食。我哋就叫多咗一个金银蛋肉碎白菜仔。价钱唔贵，而且环境坐得舒服。见到餐牌入边仲有儿童餐，一个外型好似火车嘅套餐，小朋友一定食得开心。金记冰室虽然有好多间分店但系呢一间嘅装修又怀旧又舒服而且仲加入左好多新嘅装修元素、非常唔错。