金叔叔

营业中

休息中

餐厅空间大，装修以黄色为主调，非常抢眼~🥘京葱豚肉石锅饭 $82热辣辣嘅石锅饭，份量都多，非常饱肚。锅里配𩠌非常丰富，里面有猪肉片，同埋各式嘅蔬菜，包括：芽菜、泡菜、蘑菇同埋生鸡蛋。喺锅里将食材搅匀后，所有食材嘅风味充分融合，好吸引~🍲牛骨汤 $88牛骨汤味道浓郁鲜美，汤足够两个人各饮两三碗。汤里面仲好足料，有一大旧牛骨，好几块牛肉片同埋大量芽菜。🍯蜂蜜牛油炸鸡（大）$168份量好多嘅炸鸡！炸鸡外皮酥脆，内里肉质扎实弹牙。炸鸡更有唔同味道可以拣，我地拣咗蜜糖牛油，食起上嚟味道清甜，唔会觉得甜腻。🥔炸薯格配蜜糖芥末酱 $45薯格外皮金黄酥脆，食落去唔会觉得过干亦唔会有过多嘅油腻感。搭配蜜糖芥末酱，感觉清新！宜家新开张期，晚市买任何主菜就有汽水送。我地各自拣咗韩国嘅青提子汁同甜米露。🧃青提子汁味道酸酸甜甜、好解腻🧃甜米露味道甜，有唔少米露喺罐内，饮嘅时候可以食到埋。