花朝軒 (已結業)

年初二开年午餐…早两日经过附近，见到花朝轩啱啱开将！八挂下原来主要做小菜加D上海菜！见佢仲有做茶市添！好想试！机会黎啦！正谂紧去边同妈咪食个开年lunch, 今朝年初二打电话博一博！原来已经开市，咁就订左1130！坐低望下张点心纸，选择非常小！不过正所谓贵精不贵多！最紧要好食！我地点左虾饺，烧卖，排骨，炒面，煎肠粉，叉烧饱等等…食物逐一黎到！不过大部份食物质素就真系麻麻！麻辣煎肠粉…就咁将豆板酱加入肠粉再煎！虾饺同烧卖！唔知系返蒸定点…一夹d皮就烂！其他野就不过不失！冇惊喜！不过服务有待改善！可能唔系做开楼面！问左3个人攞辣椒酱都无功而还！仲有其中一位人兄！我加单后佢拎走左张单！之后我问佢我地叫既点心到齐未！佢答我…”你自己睇番张点心纸睇下咪知齐未…”我再话…”你攞走张单！”…佢就答我”冇可能”就行左去…转头就攞住张单返黎！仲未完！佢话我地加单既甜品冇哂！我就问佢有冇其他甜品仲有供应！佢答我..”我剩系肯定你叫既就冇！仲有乜就唔清楚！”真系唔知佢系新手定唔想做！好彩价钱尚可接受！埋单2××！谢谢！