Salamat Cafe (已結業)

星期五晚收工，喺元朗剧院附近行个圈，见到一间好抢眼嘅西餐厅，就走左去睇下有咩食，见到门口个Menu有个二人dinner set 三百零蚊，都几多嘢食，所以就决定食呢间。二人餐跟汤同嘢饮，有乜前菜，有个意大利面或饭，同有个肉类主菜。我地嗌左炸鱼薯条及炸虎虾，香草火箭鱿鱼墨汁意大利饭(店员话鱿鱼卖晒所以转左带子比我地)，同埋最后加钱叫左个美国1885，12oz肉眼扒配鸭肝汁。个炸鱼薯条同炸虎虾上到枱有d吓亲！好大份，好足料，仲有一边系沙律，脆酱做得几薄而且唔油腻，薯条份量好足，炸虎虾亦都唔马虎！3只大大只虎虾！美中不足嘅一点可能系个莎莎酱差dd，比较偏向沙律酱。之后上埋个意大利饭，调味好香浓，饭入面亦加左好多菌类提升口感，不过觉得大粒左d😂而带子煎得啱啱好，表面金黄入面软淋，冇过熟。出色。👍🏻最尾嘅12oz肉眼扒好大块，另外仲配左薯条，薯蓉同沙律，成碟好满足好有诚意，加钱都抵。整体黎讲成个set落黎价钱合理，份量劲多，2个大男人黎都食唔晒，系间用心嘅西餐厅💪🏻