你妳 (已結業)

红磡新开左呢间台式小店，虽然佢嘅主打系芋泥吐司，皆因我喺出边食过，觉得一啲都唔好食，所以对佢有阴影唔会再叫😆所以今次叫咗一个芝士肉松蛋饼$38，同埋仙草3号$38。先讲个蛋饼，觉得几好食😋普遍出去食蛋饼，都系普通蛋浆。但我比较钟意佢系用手抓饼做面，食落又松脆又好味😋不过略嫌入面只鸡蛋太过熟同埋无打匀。另外见好多人食仙草，我叫咗个仙草3号，虽然只系$38，但份量真系好多，一个人完全食唔晒。另外一提，就系𠮶三粒布甸，超级甜，食咗一粒之后冇食。所以个人建议，可以叫仙草1号或者2号，唔使叫3号，因为3号只系呢几粒布甸。而且仲要超甜。