半島漁港/阿翁火鍋館

营业中

休息中

新开店! 新鲜感!将军澳区较少集海鲜火锅，重庆鸡锅，无限时任饮任食嘅火锅店，今日终于抽空到阿翁火锅店试一试。首先送上刺身拼盘内有三文鱼，日本鱿鱼，希灵鱼和北寄贝， 略嫌款式唔算多， 味道总算新鲜。 幸好今日精选食材是蚝皇鲍鱼扣鹅掌， 大大只鲍鱼口感十足，鹅掌富胶质最啱女士们补下，绝对啱食。 由于我同妈咪都口阔肚窄，决定放弃鸡煲全力进食火锅。先上枱有环球海鲜盘， 内有海虾，圣子，贵妃蚌，龙趸片，大青口同埋生蚝， 据职员表示海鲜是每日下昼三点新鲜运到，必定系时令海鲜，我们绝对认同， 食得出系新鲜食材 ，鲜甜好味 。我哋选择咗鸳鸯锅，内有满满嘅芫茜同埋浓味沙嗲汤底。值得一提系阿翁极级牛颈脊， 唔会太多肥膏， 但系肉质嫩滑，重牛肉味， 两位以上送一大碟，真系一大碟，份量十足。另外至尊水饺皇虽然系每位一粒，超大超弹牙嘅水饺皇真系一试难忘，好好味。 任食配料选了美国雪花肥牛，大鱼头 ，脆鲩片，鳝片，羊肉片，黑豚肉，四宝丸等.......阿翁火锅馆喺上个月开业，环境宽敞，员工都好积极招待和收拾碗碟， 绝对值得一试。