八月堂 (已結業)

见到有新舖新开张人头涌涌，望一望原来系八月堂开分店～见到大部分人都一大袋一大袋买走，心谂应该唔会差得去边～决定排队试一试，排左15分钟途中，店长话限量嘅焦糖布丁已经卖哂之后塩罗颂都售罄不过当日新店开张做紧买五送一～所以我地最后就拣左香浓起司、炙烧明太子、雪花柠檬、皇家爵士、朱古力可颂同香葱味噌～入口全部都香脆美味～特别系香浓起司同雪花柠檬，芝士味浓郁，配上牛角嘅酥香，咬落有64层嘅口感雪花柠檬酸酸甜甜，朋友觉得怪，但我又好钟意㖞，系饭后甜点佳品但香葱味噌个人觉得有啲怪，葱味十足而且有啲生，但芝麻好香好好味～再有机会帮衬一定试埋其他口味