影片
更多
2022-09-03
54 浏览
星期日出咗旺角行街，中午去咗广华街嘅「心里有素」食晏，因为近嚟见网上介绍新开张，就衬吓热闹😊。一去到嘅时候我有少少意外，因为估唔到上手舖会结业🙈。环境近似茶餐厅，虽然稍为迫夹，但无阻食物多样化。先讲收费，佢价钱真系算抵食👍，每位最平由$58起，茶记斋食碟饭都差唔多价钱。呢度嘅运作模式系入场先畀钱，然后食一个钟，差唔多时间店员就会提醒。大部份食物都系喺自取区拎🥢，亦有少量新鲜炸起嘅食物会由姐姐绕场一圈派递。就好似图中嘅红糖炸芋头，热辣辣送到口里，外脆内软，几正。饱肚之选有炒饭、黑松露油干烧伊面同埋豉油王炒面🍚。夏日炎炎唔少得凉拌菜式☀️，包括东北川辣凉皮(少辣)、日式麻酱冷面以及蕃茄渍。佢哋算系比较新派嘅菜式，好少喺斋舖出现。另外，当然唔少得各种蔬菜🥦，例如有西兰花、莴笋、通菜、椰菜、茄子、芽菜同豆角等，未能一一尽录。佢哋以唔同嘅烹调方式处理，所以口味并唔重覆。但食物盘上无写上菜式名，要食完先清楚系乜。我自己比较钟意以下几款，所以拎咗两轮，包括蜜椒薯仔🥔、南乳娃娃菜同埋蒸三色蛋🥚。最后仲有精致甜品仔🍮，三款都好味道，分别系牛奶蛋白、焦糖炖蛋同埋冰糖桃胶雪耳。总括嚟讲，素食餐厅愈开愈多，间唔
星期日出咗旺角行街，中午去咗广华街嘅「心里有素」食晏，因为近嚟见网上介绍新开张，就衬吓热闹😊。
一去到嘅时候我有少少意外，因为估唔到上手舖会结业🙈。环境近似茶餐厅，虽然稍为迫夹，但无阻食物多样化。
先讲收费，佢价钱真系算抵食👍，每位最平由$58起，茶记斋食碟饭都差唔多价钱。呢度嘅运作模式系入场先畀钱，然后食一个钟，差唔多时间店员就会提醒。
大部份食物都系喺自取区拎🥢，亦有少量新鲜炸起嘅食物会由姐姐绕场一圈派递。就好似图中嘅红糖炸芋头，热辣辣送到口里，外脆内软，几正。
饱肚之选有炒饭、黑松露油干烧伊面同埋豉油王炒面🍚。
夏日炎炎唔少得凉拌菜式☀️，包括东北川辣凉皮(少辣)、日式麻酱冷面以及蕃茄渍。佢哋算系比较新派嘅菜式，好少喺斋舖出现。
另外，当然唔少得各种蔬菜🥦，例如有西兰花、莴笋、通菜、椰菜、茄子、芽菜同豆角等，未能一一尽录。佢哋以唔同嘅烹调方式处理，所以口味并唔重覆。但食物盘上无写上菜式名，要食完先清楚系乜。
我自己比较钟意以下几款，所以拎咗两轮，包括蜜椒薯仔🥔、南乳娃娃菜同埋蒸三色蛋🥚。
最后仲有精致甜品仔🍮，三款都好味道，分别系牛奶蛋白、焦糖炖蛋同埋冰糖桃胶雪耳。
总括嚟讲，素食餐厅愈开愈多，间唔中想换吓口味都不妨嚟试吓。呢度嘅食物源源不绝供应，所以唔使斗快出去攞，可以慢慢食💚。
张贴
