串本屋 (已結業)

今日去開油麻地嗰邊，發現呢間新開張嘅日式居酒屋，雖然冇咗晚市堂食，但見佢價錢親民，做緊外賣自取88折，一於幫襯試試。我哋唔係好餓，所以叫左主打既串燒，荔枝豚肉串、推介燒芝士年糕，內脆外軟，芝士又夠軟心香濃！雞脯魚乾佐酒一流，雞肉串四色套餐有紫蘇梅子、辣汁芝、明太子同蘿蔔酸汁。呢款好抵食，可以一次過試晒咁多款口味，各有特色。都推介比較特別既呑拿魚薄脆，呢款有淡淡呑拿魚，口感好豐富。連燒飯團都好好味燒得外脆、有飯焦香，整體價錢以居酒屋泥講算超值，味道有質素，下次有返堂食點都要試，見佢賣好多唔同種類既日本清酒，價錢都非常親民，希望疫情好返後可以啤啤佢。