日本野 (已結業)

话说最近社会问题，所以真系比较少机会外出食饭，今日系万圣节，甘啱听日女友考车牌，所以我用食物去鼓励佢……😄今晚四处都冇地铁，嚟到旺角睇OpenRice见到依间日本野新开张冇几耐，咁耐冇食嘢，梗系试新野啦！😍马上OpenRice订枱有八八折，上到去，因为我6:30太早，所以我系第一枱食客，睇完餐牌就order咗几款招牌菜😋头盘系刺身拼盘，北寄贝非常有咬口，八爪鱼新鲜，牡丹虾鲜甜，三文鱼甜美🥰石烧和牛，女友系牛魔王，梗系食牛啦……睇卖相已经知道非常新鲜，和牛新鲜系鲜红色，我见过一啲已经发黑嘅和牛餐厅都够胆攞出黎，但系依家绝对冇问题，正！👍🏻👍🏻👍🏻先用旧牛脂肪”捽一捽”石面，之后就可以将和牛放上去煎，每边大概煎20秒就可以食得，再点一点烧牛肉汁，另外仲有三款酱料，不过其实就咁食已经好好味😋温泉蛋烧牛肉丼，将温泉蛋整烂捞埋落啲牛肉连埋饭放入口，𠮶种满足感我谂大家都试过😍😍美味！榴梿炸弹，一直以来我对煎炸野都系麻麻哋，所以我食咗一粒，女友就食晒三粒，不过榴梿味真系好坚，食完返到屋企隔咗两个钟过后都仲系榴梿味🤪经理话而家新开张期间可以玩游戏，只要第一刀插落去个头就飞出嚟嘅话，就免费食和牛，第二刀