沙嗲王 (金馬倫道) (已結業)

自己一向都钟意食沙嗲王，虽然来来去去都系食果几间，食得最多系观塘裕民坊果间（已结业），跟住就旺角女人街，另外由于自己响尖东返工，最常食就系加拿芬广场果间（已搬迁），近日知道尖沙咀又开番沙嗲王，寻晚即时同同事去食番餐先平时其实都系食开几样野，每次都系必点之选，今晚都唔例外！今晚照旧点左⋯⋯肥牛拉面（加糖心蛋），呢个真心要赞，我一向都对面类麻麻地，但就极钟意食呢个拉面，特别个汤底最惹味，一定成碗清底，仲有只糖心蛋，蛋黄系溶既，超正👍越式春卷又系超好味，既香口又脆口，配上甜酸汁特别开胃👍，牛油鸡翼好重牛油味，又炸到脆卜卜，非常滋味👍不过今晚点左两样新野就感觉一般，一个系薯蓉沙律，薯蓉里面有吞拿鱼，外面淋上芝麻酱，我觉得好似食紧吞拿鱼三文治既馅一样，吞拿鱼味抢晒薯蓉本身既味道，另一样好似系咩蟹肉朱软骨配薄饼（好似No.606)早知我就拣配饭啦，配薄饼就唔好食，个汁唔够多而且又杰身，所以话配薄饼永远都系食咖喱最正！想当然呢两样就一定食唔晒啦！唯有打包返公司请其他人食～嘿嘿🤣最后我想讲，尖东呢个位置正呀！又近地铁又近我公司，耐不耐就可以去食，唔洗吓吓专登出旺角食完再返工，所以千其唔好无啦啦又话搬迁