燒洒一族

营业中

休息中

V City的一田楼层大装修，超市范围细咗，旁边开多咗新舖头，见有间埋烧味嘅叫烧洒一族，几多嘢卖，店内光猛卫生感觉唔错。新开张热食有八折，冷盘就买三送一，好抵㖞😋拣啲返去今晚加𩠌先。⭐自家制烧腩仔家人一向钟意食烧肉，买返一条骨返去试下，层肥层瘦皮又脆，点埋个芥末酱真心正。⭐德式烧咸猪手见隔离大妈二话不说拣咗两只特大咸猪手，好似真系几正咁㖞，自己又叫返一只先。店员问斩唔斩？唔斩就可以返去气炸加热，斩咗就方便食。我呢啲懒人就梗系斩咗方便啦，见店员几下手势就切好，仲排得好靓仔添。咸猪手个皮相当脆，猪手唔肥皮下全部系瘦肉，入口咸香，可以点埋蜜糖芥末酱，味道更有层次🤤⭐麻辣牛展家人爱辣，试下佢哋个麻辣牛展，一瓶望落唔大盒，但入面嘅牛展系塞到满晒嘅，份量唔少。牛展薄切吸满辣汁，麻麻辣辣相当惹味，即场煮返个米粉拌辣油先🤤⭐酒醉肾片最后就系酒醉系列嘅鸡肾片，一打开就闻到酒香，同样入面嘅肾片系塞到满晒嘅，份量无稀场。肾片爽脆有咬口，加埋酒香，作为送电视嘅小食真系唔错，唔觉唔觉就食晒成盒。呢度大概二百零蚊，一家四口食啱啱好。