Simply (已結業)

屋企附近开咗呢间新餐厅Simply. 今日急不及待约埋啲街坊去试吓。我哋－行8人，叫咗三个二人餐，另外两位朋友就散叫。二人餐都好抵食有餐汤，有小食，有主菜，有甜品，再加饮品。每个项目都有几多选择。好惊喜，真系估唔到样样都几好食，毕竟而家去餐厅食嘢中伏机会率都好高。主菜，我食咗羊架 + 龙虾汁大虾意粉。两样都好好味，羊架我叫全熟，煮得啱啱好，好Juicy，一啲都唔系鞋。甜品蛋糕尤其出色，店员话佢哋有自己嘅甜品师傅。听讲话朱古力心太软好好味，不过今次未有机会试，下次再试。值得推介。