一郎 (已結業)

尖沙咀又有一间新开张既拉面店，装修好cute，而且有部扭蛋机，有机会抽到BE@Rbrick Series 44 嘅公仔，有得食又有得玩，好开心呢🥳我哋拣咗（黑郎君）黑蒜拉面 $98  同（白郎君）豚骨拉面 $88，而每款面都可以拣软硬程度，亦可要求走葱、走木耳丝或走味付笋。黑蒜拉面系粗身面条，烟靭有弹性，而豚骨拉面幼身面条，啖啖面粉香，黑蒜汤底味道香甜，仲有大量蒜片，浓郁蒜香味，好顺喉，而另一款拉面系猪骨汤底，饮起嚟清甜可口，奶白色猪骨汤好美味，叉烧肉质鲜嫩，肉味香浓，日本糖心蛋口感软绵，蛋味浓，与笋、木耳、葱花一齐食同样非常滋味！小食选择唐扬炸鸡 $38，粉浆唔会厚，鸡肉嫩滑多汁，炸得外脆内软，松脆可口，沾上蛋黄酱更惹味。另一款羽根饺子 $32，底部成块脆脆的，肉馅料好juicy，不干身，好味。饮品静冈蜜瓜梳打 $26，清香扑鼻嘅蜜瓜味，冰凉爽口，好清甜。而抹茶可乐 $26 依两个口味又几夹，有气可乐加上淡淡抹茶香，口感清新，爽呀！