影片
更多
2024-10-01
1092 浏览
今朝经过见开咗门，lunch time同同事黎佢先😋听讲系星期六开门嘅，今日系试业第三日，排队嘅人颇多，店员都有啲手忙脚乱，落单到出餐大概用咗15分钟左右。有惊喜嘅系外卖用保温袋，但问题系我入面有冻饮同热食，摆埋一齐系保温定保冻呢🤔⭐麻辣鸡肉吐司买完行到返公司都仲热，吐司系用三文治机夹出嚟，外面烘得香脆，入面馅料亦多，叫了呢个麻辣鸡肉味，鸡肉系免治鸡肉，爆浆唔鞋口，但系麻辣味唔突出，当佢普通鸡肉吐司食都ok嘅。⭐芋泥西米露自己再加多咗碗芋泥西米露，食落有椰汁味，将芋泥同西米露拌均一齐食都几香甜，有芋头香又有椰汁香啦。不过个人而言，都系钟意传统有一粒粒芋头嘅西米露多啲🤣抵赞系呢个芋泥西米露只系微甜，食完都冇乜罪恶感。⭐芋泥豆乳沙冰同事拣左午餐餐牌上嘅几款吐司，但都卖晒，果断放弃净系要咗杯沙冰试下，但系沙冰口味都系卖得七七八八，最后要咗同款嘅芋泥豆乳沙冰。芋泥下得很多，豆乳香滑，基本上无糖，同事话豆乳饮唔到甜味，芋泥就有少少甜。建议尽快饮完，由于系纸杯同纸杯盖，放枱面放左一阵已经软皮皮，加上系沙冰，啲冰溶咗会变得好淡😂店员都有提醒最好两个钟头之内饮完㗎。新店开张未能尽善尽美，不过有新品牌进
听讲系星期六开门嘅，今日系试业第三日，排队嘅人颇多，店员都有啲手忙脚乱，落单到出餐大概用咗15分钟左右。
有惊喜嘅系外卖用保温袋，但问题系我入面有冻饮同热食，摆埋一齐系保温定保冻呢🤔
⭐麻辣鸡肉吐司
买完行到返公司都仲热，吐司系用三文治机夹出嚟，外面烘得香脆，入面馅料亦多，叫了呢个麻辣鸡肉味，鸡肉系免治鸡肉，爆浆唔鞋口，但系麻辣味唔突出，当佢普通鸡肉吐司食都ok嘅。
⭐芋泥西米露
自己再加多咗碗芋泥西米露，食落有椰汁味，将芋泥同西米露拌均一齐食都几香甜，有芋头香又有椰汁香啦。不过个人而言，都系钟意传统有一粒粒芋头嘅西米露多啲🤣抵赞系呢个芋泥西米露只系微甜，食完都冇乜罪恶感。
⭐芋泥豆乳沙冰
同事拣左午餐餐牌上嘅几款吐司，但都卖晒，果断放弃净系要咗杯沙冰试下，但系沙冰口味都系卖得七七八八，最后要咗同款嘅芋泥豆乳沙冰。芋泥下得很多，豆乳香滑，基本上无糖，同事话豆乳饮唔到甜味，芋泥就有少少甜。建议尽快饮完，由于系纸杯同纸杯盖，放枱面放左一阵已经软皮皮，加上系沙冰，啲冰溶咗会变得好淡😂店员都有提醒最好两个钟头之内饮完㗎。
新店开张未能尽善尽美，不过有新品牌进驻香港都系一件好事，可以畀多几次机会佢，试下其他口味嘅热食、糖水同埋饮品呀😘
张贴
