馬宮主

营业中

休息中

圣诞同朋友出街食晚饭，个个都食圣诞大餐，但朋友一向唔钟意食西餐，又比较尝辣，我地就反传统约左间川菜馆。店内好不热闹，全部枱已full booked，仲大部份系大枱添，都系一家大细三代同堂一齐食餐饭😊餐牌有川菜有粤菜，仲有羊腩煲、鸡煲、烤鱼等，选择甚多😋⭐干煸肥肠先来个香口野，远远已经飘来辣椒香味，肥肠够肥😆咬落一口肥油好正，劲香脆👍⭐老成都口水鸡口水鸡要左半只，份量唔少㖞，唔系bb鸡😆鸡肉嫩滑，仲系微温的好正，好多餐厅做好放雪柜搞到一阵雪味，呢度无咁情况😋个口水汁辣得黎带少少酸，酸酸辣辣真系让人口水直流🤤⭐馋嘴跳跳蛙呢个要左bb辣但都系满江红😂入口第一啖坚辣，食多几口唔知系咪习惯左，辣得黎好香好过引㖞，越食越惹味，田鸡肉嫩鲜味，配料有胜瓜、大荳芽等，满满一盘好抵食🤤大推，呢盘必叫！⭐蒜蓉炒豆苗全部都辣，叫返碟清清地嘅炒菜，豆苗翠绿，食落清香质地柔嫩，条条菜软唔老身😋⭐白饭咁好𩠌叫返个白饭送下先😆好好味，辣得黎香口，基本上成餐连水都无饮，唔系死辣呛喉个种，高质川菜黎。价钱都唔贵吖，碟头大同真材实料㗎。