潤發飯店 (已結業)

本身book好咗枱食饭，点知行过呢间铺头，阿妈话想试新野，于是佢哋就冲左入去。呢度有两个套餐，一个四人餐，一个六人餐，我哋一行六人就梗系叫六人餐啦。先来个镇江肴肉，估唔到呢间小店又做得唔错㖞。呢个赛螃蟹就差啲啦，一啲都唔滑。黄金虾，只虾唔新鲜，炸到咁都食到有腥味。咸肉津白，正常嘢。呢个砂锅云吞鸡，应该系全餐饭最好食嘅。虽然都有少少偏咸，但系汤嘅嘢应该冇死嘅。呢个松子黄鱼，又系衰咗系条鱼唔新鲜度。不过炸粉处理得恰当，唔会太厚，叫做不过不失啦。另外再嗌咗个上海粗炒，正常嘢。鸡丝粉皮呢啲冇得唔好食啦，都系靠个酱😂呢个芝麻汤圆不吃也罢。个餐本身系送豆沙锅饼，但系佢整咗高力豆沙照送俾我哋。普通，但系个豆沙馅未免太少。新开张都咁嘅质素，下次唔驶去啦。