影片
更多
2021-10-27
472 浏览
💎总评分：7.0/10-餐厅主厨曾任职米芝莲食府，主打中西合壁，用名贵食材炮制京川菜式。餐厅著重美感，唔单止食物卖相精致📸，环境装修都好特别，模仿洞穴设计充满艺术感。由于打风原定计划有变，见餐厅望落唔错就入去试下啦！1️⃣ 奇亚籽香蒜拌青瓜 $88餐厅试业中未有其他蔬菜选择，拣左呢个清新D嘅沙律🥗，中式前菜用上奇亚籽的确几fusion，少许香蒜调味，青瓜切成薄片🥒，排成花咁卖相够靓。 2️⃣ 玫瑰露酒醉鸭肝酱配红枣冻 $148个名改得好矝贵嘅一道菜式，金色器皿底层系香滑嘅鸭肝🦆，面层系红枣味嘅啫喱，两者嘅口感味道固然不一样，但系又出奇地match😋，舖上花瓣卖相别致🌸，唯独玫瑰露味道可以再突出D。3️⃣ 醉南非鲜鲍鱼配黄酒冻 $158鲍鱼爽口弹牙，作为凉菜头盘唔错👌🏻，黄酒冻因为系啫喱状嘅关系就比较难分成小份，相反鲍鱼已经切左片方便share嚟食，所以两样野基本上食嘅时候系会分开单独食，黄酒冻嘅酒味就可以突出D。4️⃣ 香煎北海道带子配锅巴带子鲜甜煎得刚好，配锅巴几特别，香脆干身，但系一软一硬个texture太唔一样嘅关系，其实进食时都系两样独立个体咁食🙈。5️⃣ 松露黄金虎虾 $228松露同咸蛋黄两
-
餐厅主厨曾任职米芝莲食府，主打中西合壁，用名贵食材炮制京川菜式。餐厅著重美感，唔单止食物卖相精致📸，环境装修都好特别，模仿洞穴设计充满艺术感。由于打风原定计划有变，见餐厅望落唔错就入去试下啦！
1️⃣ 奇亚籽香蒜拌青瓜 $88
餐厅试业中未有其他蔬菜选择，拣左呢个清新D嘅沙律🥗，中式前菜用上奇亚籽的确几fusion，少许香蒜调味，青瓜切成薄片🥒，排成花咁卖相够靓。
奇亚籽香蒜拌青瓜
$88
14 浏览
1 赞好
0 留言
2️⃣ 玫瑰露酒醉鸭肝酱配红枣冻 $148
个名改得好矝贵嘅一道菜式，金色器皿底层系香滑嘅鸭肝🦆，面层系红枣味嘅啫喱，两者嘅口感味道固然不一样，但系又出奇地match😋，舖上花瓣卖相别致🌸，唯独玫瑰露味道可以再突出D。
玫瑰露酒醉鸭肝酱配红枣冻
$148
38 浏览
0 赞好
0 留言
3️⃣ 醉南非鲜鲍鱼配黄酒冻 $158
鲍鱼爽口弹牙，作为凉菜头盘唔错👌🏻，黄酒冻因为系啫喱状嘅关系就比较难分成小份，相反鲍鱼已经切左片方便share嚟食，所以两样野基本上食嘅时候系会分开单独食，黄酒冻嘅酒味就可以突出D。
醉南非鲜鲍鱼配黄酒冻
$158
20 浏览
0 赞好
0 留言
4️⃣ 香煎北海道带子配锅巴
带子鲜甜煎得刚好，配锅巴几特别，香脆干身，但系一软一硬个texture太唔一样嘅关系，其实进食时都系两样独立个体咁食🙈。
5️⃣ 松露黄金虎虾 $228
松露同咸蛋黄两样都偏重味道，两种味点mix埋小偏真系imagine唔到😅。不过食落其实无松露味，似普通黄金虾🦐。虾算新鲜大只，不过呢个价钱得两只性价比有D低。
松露黄金虎虾
$228
25 浏览
0 赞好
0 留言
6️⃣ 草莓美国牛肋骨配芥末籽酱 $278
食落有惊喜，虽然唔系高级牛，但系肉质都唔错，煮得腍又唔鞋，最重要系个芥末籽酱😚，分开上俾客人自己落，听落芥末以为系wasabi𠮶种有D攻鼻嘅感觉，但系食落仲有D麻辣感🌶️，值得推介🌟。
草莓美国牛肋骨配芥末籽酱
$278
9 浏览
0 赞好
0 留言
7️⃣ 担担拌墨汁面 $128
特别之处系用左墨汁面，所以成碗野都系黑色🖤，对比一般担担面佢少D汤似捞面，食落味道更为浓郁惹味😋，虽然望落Portion比较细，但系食多几啖都会济。
担担拌墨汁面
$128
12 浏览
0 赞好
0 留言
总括嚟讲，餐厅环境同食物卖相都好精致，虽然今次小编无叫甜品但系睇相都见到好靓下，啱晒女仔手打卡📸。食物质素一般，未至于会再嚟食，食材配搭上创新但系好唔好食就见人见致了。
题外话 - 朋友特登订左个流心cheesecake拎嚟庆生🎂，一入门口已经讲左唔好放入雪柜，因为一雪左就流唔到心，然后坐低再讲，一共三次，结果最后拎出嚟cut cake个蛋糕系冻嘅😭。。。佢地竟然雪左💔。因为全部人对个蛋糕充满期待，已经千叮万嘱仲系放入雪柜，即刻联想到某餐厅拎个寿包蛋糕去蒸嘅画面🤢，真心对店员嘅疏忽感到失望，而见到我地失望嘅表情，店员除左道歉都无任何表示了😔。可能系餐厅仲系试业期间，运作未纯熟，希望日后可以留意客人嘅要求。
-
环境服务：⭐⭐
食物质数：⭐⭐⭐
打卡指数：⭐⭐⭐
题外话/补充资料：
🚗K11商场有泊车优惠~
(以上食记乃用户个人意见 , 并不代表OpenRice之观点。)
张贴
