樂天經典 (已結業)

之前做gym見到有新開既樂天皇朝同樂天經典，初初都以為係同一間，所以就直接打去訂檯。打左幾分鐘就有人聽電話，亦都好快幫我留左檯。去到先知原來係分開架，雖然我打既電話號碼係一樣，但原來我訂既係「經典」，唔係「皇朝」，心諗一下「咁我咪冇小籠包食囉？！」之後我問店員係咪兩間既野食都可以叫，店員話可以，咁就可以兩邊既野都食到喇我地都係例牌咁叫左幾款野食，大路野唔多講，特別個幾樣就一定要講下︰1. 海鮮皇炒飯 - 呢個飯既配料好多，個飯亦都炒得好香，好入味；2. 星洲炒貴叼 - 我又覺得太乾身，同埋只係一般既咖哩粉炒落去，唔好講入唔入味，係乾到唔想食；3. 老鼠粉煲 - 呢個即係好似狗仔粉個fd咁，但出奇地好好食，個湯底好似肉粒羹咁，成個配搭好正，必食；4. 川味涼皮 - 好大塊，亦都好夠味道；5. 無錫鮮肉鍋貼 - 個皮好厚，肉汁亦都唔夠，no good wor；6. 麻婆豆腐 - 係OK既，個D豆腐丁係布包豆腐切出黎，唔會咁易散，跟飯食一流；7. 皇朝小籠包 - 呢個係「皇朝」之作，唔係唔食下話，咁多款味道，雖然大部分都只係個皮有味，但都係一個好既選擇。而家新開仲有promotion，只要係