不二工房 (已結業)

今日同朋友去上环做运动行街食饭，到食晚饭嘅时间，就走去附近睇吓有乜嘢美食，我哋行到喜利街见到一间多国菜嘅餐厅，我哋喺门口见到个餐牌嘅食物卖相都唔错，所以就入去食啦，这间餐厅招牌光猛个名都几特别，叫不二功房，位于上环起喜利街23号地舖，搭港铁到上环站A2出口，行几分钟就到非常方便。餐厅内装修得好新净，地方干净整洁，枱凳摆放整齐，坐得令人舒服。餐牌上嘅食物款式选择都多，有乌冬、拉面、丼饭、米线、广西米粉、沙律、小食、果茶汁，真系有好多美味嘅日式、中式、西式嘅食物，仲有优惠，加选8元就可以配是日特饮一杯连同两粒香芋丸。我哋就拣咗拉面嘅豚肉拉面配特饮、丼饭嘅亲子丼配特饮、沙律嘅麻酱大虾沙律、小食嘅枝豆、胡麻冷豆腐、日式炸鸡粒，是日特饮系果茶汁嘅杨梅汁。小食，枝豆翠绿爽嫩，豆质软绵，味道清甜，煮得香气提升更加鲜绿，从豆䇲中啜出枝豆更充满了食趣，亦令口感鲜嫩清爽。胡麻冷豆腐用上嫩滑豆腐砖，配上日本胡麻酱，清爽风味，入口即化，令口感冰凉更多好吃，胡麻酱丰富的咸香滋味超百搭，有消炎、养颜、抗养化的功能，连冷豆腐奉上为夏日增添一点凉意。日式炸鸡粒份量不少，炸鸡粒皮脆肉香，口感弹牙，肉质鲜嫩，日式炸鸡的腌