胡蝶 • 泰

营业中

休息中

哩间新开既泰菜餐厅几抵食而且遇著个女店员服务态度一流, 食得开心。芒果扎肉米纸卷包住清爽既蔬菜再加芒果, 天气又热又焗食哩个即时清新感觉开胃一流。秘制咖喱海鲜农夫包农夫包烤得外边脆脆的,  面包索左咖哩汁之后变得又香又软, 要趁热食呀! 软壳蟹炸得香口脆口, 仲有青口, 虾同埋鱿鱼, 足料。泰式虾酱炒饭哩个饭咸香惹味, 最中意系炒埋D泰式蜡肠系入面, 香味即时加倍!!哩度D野饮都系大大杯又唔会系好假既糖水味, 鲜芒果沙冰同埋菠萝沙冰味道都好香甜天然, 夏天饮真系好爽。