影片
更多
2021-09-16
82 浏览
琴晚同男朋友去左天后呢间新开食蚝既蚝站食生蚝，一到门口已经见到入面坐满晒人，之后再见到佢开蚝既厨房，就知道今次无黎错，一坐低，侍应就介绍佢哋做紧优惠，10蚊一只生蚝，我即时问，有无听错，咁平，10蚊一只生蚝，然后我哋就叫左半打试一试佢先，再叫多左两个意粉，一个系黄金软壳蟹长通粉同白酒香蒜辣椒蚬肉扁意粉，首先介绍下佢嘅生蚝，蚝肉大只，从颜色望落去非常新鲜，一食落口有淡淡的海水味系你口腔徘徊，完全唔使落任何柠檬或者茄汁食佢个鲜味都已经好好食，$10有依只size嘅生蚝，真系物有所值，然后讲吓佢𠮶两个意粉，软壳蟹长通粉，啲软壳蟹炸得好均匀，唔会有粉太多嘅情况发生，再配合佢用蛋黄整嘅长通粉，非常好食，而白酒香蒜辣椒蚬肉扁意粉，一拎到黎已经闻到淡淡嘅白酒香味，同埋蒜头嘅味道，再加埋佢有辣椒辣辣地食起上嚟，刺激你嘅味蕾，非常开胃口，总括而言，呢间新开嘅餐厅物有所值，我哋琴晚净系食生蚝都已经食咗十几只，忍唔住嗌完半打又嗌多半打，因为啲生蚝真系好新鲜，但提一提大家，因为间餐厅未领酒牌，如果大家想一路叹白酒一路食生蚝就可能要自己带酒去，如果大家经开呢一头，又想试吓新鲜嘅生蚝，不妨入去依间新开嘅餐厅试一试
张贴
