拉麵Jo (已結業)

今晚经过元朗Yoho Mall 新开左拉面店，见佢唔系太多人排队就试一试佢，可能铺头比较细，卒之我地3个人都要排左45分钟先入得，今次试沾面先，每人一碗沾面，另外再加小食鸡软骨、铁板豆腐、蛋。我觉得沾面份量都好适中，唔系特别大食既应该都够饱，至于味道都算可以啦，但老公就话啲面枧水味比较重，而铁板豆腐呢，我就觉得麻麻地，冇乜味道，加上用铁板上关系，豆腐底部有小小㶶；而鸡软骨就比较多油。总括黎讲，想食沾面既都可以一试既，但我地就应该冇下次喇，因为真系冇乜特别吸引。