炸理滷味 (已結業)

同朋友行过旺角，无啦啦俾我地见到呢间炸理卤味，呢排fb好多人讲佢个粗口谐音店名，所以我地又趁热闹去试埋一份。80-90年代既店舖装修风格，感觉相当怀旧。呢度都系食炸野，价钱都唔算特别贵，如果多人黎食可以叫set。散叫都有好多选择，同朋友都拣左好耐。买完就可以拎单行埋一边等。因为系即叫即炸，所以都等左5-10分钟。卖相睇落唔错，炸粉比想像中薄，我食左多春鱼同冬菇，两样都系外脆内软，多春鱼热辣辣唔会腥，而且都几大条，冬菇入口好juicy，咬落会有汁流出黎，不过就淡左少少。整体黎讲唔贵又好味，而且即叫即炸，下次一定会再黎试埋其他款。