八居酒屋 (旺角新城)

营业中

休息中

好多年前已经食过八居酒屋，佢系尖沙咀天文台道嘅总店。该店主打串烧。现时旺角开分店，就主打刺身寿司，当然支持下。八居酒屋最贴心既服务，系见到客人有饮啤酒时，厨师会烧串烧更香口比顾客送酒。咁体贴顾客用心做嘅餐厅，香港真系少用。旺角店装修以木系为主，有卡位，坐得舒适。旺角分店有好多款定食叫，有牛肉、豚肉、鳗鱼等。 店员推要试旺角分店嘅刺身同牛舌串烧，所有刺身食材都由日本空运来港。见刺身饭咁抵食，就同朋友叫咗个三色刺身饭。再加多$20，配茶碗蒸、什菜沙律及面鼓汤，够晒饱肚。三色刺身饭有三款刺身，包括三文鱼、甜虾、刺身鱼片。 三种刺身都非常新鲜，刺身解冻嘅温度亦刚刚好唔会过冷亦唔会过热。每一篇刺身厚度适中，唔会扮切得太薄或过厚而失去口感。本来仲有一嚿Wasabi食落去非常攻鼻，证明非常新鲜。另外，叫了两款串烧。汁烧鸡肉串非常香嘅鸡串，食落去鸡肉非常之嫩口，好弹牙好爽，超有鸡味。再配埋烧汁，令到鸡肉更加野味。盐烧鸡肾串烧到鸡肾劲香，咬落去索索声。鸡肾好爽脆，唔会好韧，一咬即刻即断开。再加埋盐令鸡肾更提鲜。