影片
更多
2023-04-18
378 浏览
未有假去旅行住，咁就食返餐好嘅慰劳下自己啦！「寿喜烧 伊势熊」由日籍主厨久家弘一主理，严选日本优质和牛融合关东风嘅炖煮与关西风嘅糖烤，创造出独有风味嘅寿喜烧😋🍲• 伊势熊和牛寿喜烧五道菜午市套餐 $480• 伊势熊北海道四元豚寿喜烧五道菜午市套餐 $380一客午市套餐已经包括咗前菜、茶碗蒸、白饭、渍物同甜品。尤其茶碗蒸别具心思，嫩滑嘅蒸蛋内藏咸鲜嘅明太子🙆🏻♀️坐吧枱可以近距离咁观赏大厨烹饪料理嘅过程，视觉、嗅觉、味觉同时满足！肉类同蔬菜会以梅花间竹嘅方式呈上，咁样就算食完成餐都唔会觉得好滞。本餐重点当然系和牛寿喜烧啦，餐厅选用咗香川橄榄和牛及京都姬牛，前者以橄榄作为饲料孕育而成，咬落去口感好软嫩又多汁，唔洗点咀嚼已经融化喺口腔入面，肉味亦较一般和牛浓郁得多！而后者则为优质雌性黑毛和牛，拥有细致嘅大理石纹，成就极嫩滑嘅肉质✨除咗和牛之外，亦都有北海道四元豚同德岛县阿波酢橘鸡俾食客选择嘅。北海道四元豚系由日本四个最佳猪种混种育成，餐厅就采用咗猪腩片同肩胛肉两个部位，腩肉片嘅脂肪肥美香口，唔会有猪臊味，而肩胛肉就大大块有咬口，啖啖肉感都几满足㗎！另外配上四款精选蘸料包括冲绳岛椒丝、柚子、芥
「寿喜烧 伊势熊」由日籍主厨久家弘一主理，严选日本优质和牛融合关东风嘅炖煮与关西风嘅糖烤，创造出独有风味嘅寿喜烧😋🍲
• 伊势熊和牛寿喜烧五道菜午市套餐 $480
• 伊势熊北海道四元豚寿喜烧五道菜午市套餐 $380
一客午市套餐已经包括咗前菜、茶碗蒸、白饭、渍物同甜品。尤其茶碗蒸别具心思，嫩滑嘅蒸蛋内藏咸鲜嘅明太子🙆🏻♀️
坐吧枱可以近距离咁观赏大厨烹饪料理嘅过程，视觉、嗅觉、味觉同时满足！肉类同蔬菜会以梅花间竹嘅方式呈上，咁样就算食完成餐都唔会觉得好滞。本餐重点当然系和牛寿喜烧啦，餐厅选用咗香川橄榄和牛及京都姬牛，前者以橄榄作为饲料孕育而成，咬落去口感好软嫩又多汁，唔洗点咀嚼已经融化喺口腔入面，肉味亦较一般和牛浓郁得多！而后者则为优质雌性黑毛和牛，拥有细致嘅大理石纹，成就极嫩滑嘅肉质✨
除咗和牛之外，亦都有北海道四元豚同德岛县阿波酢橘鸡俾食客选择嘅。北海道四元豚系由日本四个最佳猪种混种育成，餐厅就采用咗猪腩片同肩胛肉两个部位，腩肉片嘅脂肪肥美香口，唔会有猪臊味，而肩胛肉就大大块有咬口，啖啖肉感都几满足㗎！另外配上四款精选蘸料包括冲绳岛椒丝、柚子、芥末及意大利松露酱，可以自行配搭出喜爱嘅口味，亦都可以用紫菜包住嚟食！至于甜品就系清爽嘅柚子雪芭，一解油腻嘅感觉😚
张贴
