新東園

营业中

休息中

熟食中心开返后已经帮衬过其他3间嘅早午餐，今日就帮衬同一边第四间开嘅档，讲真早餐都算有水准，价格与另外3间比较是中等，第一间最抵，最有名嘅最贵。天气开始凉，呢个档嘅座位好舒服，可呼吸新鲜空气！叫咁猪排炒蛋配公仔面，热奶茶，睇落去系有诚意嘅，最值得赞嘅系𩠌同面系分开上，最怕就系放晒上个汤面度，浸晒汤又出晒油，食又困难，呢样好细心👍🏻👍🏻👍🏻 猪排质素虽然不是第一，4间来讲排第二好味。唔会煎到好油，个面汤底都刚刚好！奶茶就同第一间咁，用全套新茶具，好干净饮舒服😌☕️ 但系茶就差咗D，唔系好够茶味。唔知系咪新开业，暂时未太多客人，老板服务好好，仲拎好消毒啫喱同埋盒装纸巾喺枱，招呼好好慢慢食，希望呢个服务态度一定保持住，同食物奶茶水准可再提升。