老長沙湘菜館 (已結業)

佐敦新开左间湘菜馆，价钱唔贵，午餐大约$6-70，餐牌主菜每样百零蚊，被价钱吸引入左去试。孜然牛肉木桶饭木桶只系装饰，饭同𩠌应该分开整完再放入木桶。牛肉肉质同肉味都唔错，孜然味唔重，加左蒜芯同洋葱炒，味道配搭刚好。但建议小菜同白饭分开上更好。蛋黄四季豆四季豆两边既丝已经去掉，唔会食到渣。咸蛋黄均匀布满每条四季豆，完全显示出厨师功架，而且唔会过咸，份量好多，但太好味不停追住食，一大碟都差啲唔够分。孜然寸骨唔好被佢个样吓亲，虽然舖满辣椒，但其实冇乜辣味。一碟有6支骨，焗到边边有啲脆口，而保持肉质软嫩，系呢餐我觉得最高分既菜式。红糖糍粑劲大份，啱晒人多share。即叫即炸，上枱热辣辣，新鲜整真系差好远，外皮系脆既。外脆内软先系呢道菜既精粹，系我喺香港食过最好食既糍粑，以咁高质既甜品作结好满足。湘菜以严选食材为名，呢间餐厅都做到，而且味道恰到好处，有辣之余亦保留到食材原味，整体每样食物都唔错，会介绍比多啲朋友黎食。