順譽滷味大王

营业中

休息中

北帝街新开嘅潮州菜餐厅。有堂食有外卖。而家做紧优惠，外卖仲有九折！🌟大掌翼 $98佢哋嘅卤水味道好香好细致，又唔会太咸。即使系卤得咁入味嘅鹅掌翼都唔会过咸。🌟狮头鹅片拼墨鱼 $148鹅皮非常厚，唔肥但系好重鹅油香。鹅片嘅肉质弹牙易咬，比起喺其他地方食到嘅嫩好多。墨鱼嘅份量超多，质地柔软而且鲜味十足。🌟韭菜猪红 $48全枱最浓味一定系佢！好重沙嗲酱味道，仲有少少豆瓣酱嘅辣味。猪红爽但而且一啲都唔腥。🌟咸菜猪肚汤 $68咸菜味道冇想像中咁重，反而好食到鸡肉嘅鲜味！猪肚嘅份量都唔少。估唔到$68够晒两个人食。