NUMBER 8 FUSION BURGER

营业中

休息中

最近喺大坑发现咗一间新开嘅汉堡店。最特别系佢哋基本上所有嘢都系自家制。面同面包都系自家制。夸张到连芝麻酱都系人手炒🤫。✨邪恶蒜香三重芝士比利时粗薯条 $35粗薯条外脆内软，淋上极香嘅酱汁，除咗邪恶之外我谂唔到第二个形容词🤣。最特别系佢唔系用蒜粉，而系生蒜。香得嚟有少少蒜辣，令人食到停唔到口。✨自选4件小汉堡＄58煎牛排堡🍔吉列虾堡吉列猪堡🍔大菇堡想试多几款可以食mini burgers!佢哋连面包同酱汁都系自家制。佢哋用原块牛排，生熟度啱啱好，充满肉汁。吉列虾同吉列猪香脆唔油腻。大菇鲜味多汁，完全唔会单调过肉类汉堡。✨水滴手打捞面 set $74面条爽弹有蛋香，同平时包装印尼捞完全唔同。除咗一般会有嘅炸蒜同炸干葱，仲有爽脆清甜嘅芽菜。加埋吉列鸡胸肉，成个印尼捞多送到夸张！✨印尼沙律呢款有别于香港人比较熟悉嘅加多加多，佢系以虾酱为主要调味料，辣得几过瘾。有清新嘅青瓜，亦都有甜甜地嘅沙葛。比起一般西式沙律更加啱亚洲人口味。✨热情果茶佢哋用新鲜热情果而唔系热情果酱，味道更加清新自然，亦唔会有平时热情果饮品嘅死甜。