來發火鍋小館

营业中

休息中

系太子大南街见到间新开好靓既火锅店就去试下啦。D装修设计好新颖好有特式，用哂不锈钢枱櫈，打卡一流仲有好多打卡位可以影。餐厅环境舒服空间感十足，唔会觉得逼。叫左个二人套餐$288，汤底2选1拣左胡椒猪肚鸡半只，鸡系另上，D鸡好鲜甜。汤底胡椒味好重好正，入面有好多猪肚添。煲仔饭拣左来发师父饭(腊味粒)，有''来发''2个字应该系招牌菜挂，哇一试就觉得超好食，好香既腊味，有D炸芋头粒，最正系有脆卜卜既饭焦。套餐仲包左份蔬菜拼盘好新鲜，D粟米好甜。我地3个人食所以再散叫左美国雪花牛肉$238好新鲜牛味重，渌几下食得好淋呀。炸鲜墨鱼丸$48系新鲜手打嫁唔系急冻货，即炸热辣辣好脆口，食到好多墨鱼好弹牙爽口。芝士狮子狗$68入面D芝士正到丫。 最后食稻庭乌冬吸哂啲汤底精华好入味好滑。野饮叫左手打柠檬茶，第一次饮好好饮，好饮过茶餐厅柠檬茶。叫左咁多野食食到好饱，依间火锅店食物新鲜好好味环境又好，仲有好多野食未试，下次一定要再试下其他野！