第八站咖啡廳 (已搬遷) 新店位置

呢一间餐厅系新开嘅， 咁个场我觉得正正常常， 而且坐得都几舒服 ，咁讲多无谓，大家睇我食咗啲乜:例汤系蘑菇汤： 咁蘑菇汤我觉得呢个都系正正常常，at least佢个蘑菇汤都有啲Mushrooms，而且都有蘑菇味，所以例汤嚟讲我觉得ok。日式和风沙律菜: 沙律菜汁同埋菜我觉得都几好，都系几新鲜，汁亦都调理得唔错，不过就比较细碟啲，如果大少少嘅话我觉得会好啲。吉列炸虾配薯条： 个炸虾薯条我觉得都唔错， 其实薯条系薯角钟唔钟意就见仁见致，咁我本人就几钟意食薯角多过食薯条。 炸虾炸得唔错唔算多油。无骨黑毛猪柳扒: 呢个黑毛猪佢切起上嚟肉质软熟， 其实都几考厨师嘅功夫 ，同埋食个猪肉嘅时候，啲肉汁喺口腔到出晒嚟， 喺猪扒个面上有少少香味,口感同个肉质出哂嚟。 不错!食埋个朱古力心太软同饮埋杯柠檬茶就闪人， 咁其实佢杯冻柠茶到几抵嗌嘅，因为都系大大杯，咁如果大家行去旺角呢头，咁可以试一试下佢嘅黑毛猪， 本人觉得唔错。