4口

营业中

休息中

最近呢间主打福建菜嘅餐厅喺荃湾开咗旗舰店，午市，晚餐同Omakase有唔同菜式供应，但想食厨师发办嘅话要提前一日Book定。店内环境行木系风，日式装潢，坐落舒适。食物份量唔多而且价格合理，店员服务态度友善，几适合同另一半嚟聚餐。前菜有松子姜蓉菠菜、凉拌莴笋丝、家乡土笋冻同腊味鸡卷，全部细细碟，冻冰冰，最钟意系腊味鸡卷，淡淡咸香气，咬落软嫩，十分开胃。汤品有姬松茸竹笙排骨同莲子牛蒡素汤，热辣辣，入口滑顺，够滋润，仲有好多配料，性价比高。主食有几款饭同面类，高丽菜五花肉焖饭口感烟韧，软糯可口，味道适中，唔会过淡或过咸，上面有几块五花肉，偏瘦但可接受。高丽菜焖炒米粉就比较清淡，建议可以捞汤或主菜嘅酱汁增添味道，重口味人士未必适合。面条要咗厦门沙茶同菌菇牛肉面，前者微微辣，好惹味，面条吸满汤汁，唔觉唔觉就食晒。后者带香浓牛味，而且估唔到肉质几嫩！另外有砂煲豆酱焗黄鱼，除咗骨多咗少少之外，无论系卖相同味道都好出色，下面仲有好多蒜头，赞👍 最后以白茶流心丸同枇杷冻作结，大满足～