見你一麵

营业中

休息中

是日到元朗覆诊，覆完又到食饭时间，路过见到呢间装修怀旧嘅餐厅，原来系食车仔面嘅，就一于黎食碗面。餐厅面积唔大，有好多得意嘅摆设，打咭一流。拣咗四𩠌幼面，包括猪大肠、咖哩鱼蛋、萝卜及猪软骨，再加餐厅秘制辣汁。𩠌嘅份量相当多，四𩠌当中，个人最喜欢猪软骨，炆得好淋好入味；鱼蛋咖哩味香浓，食落相当惹味，而萝卜亦鲜甜无渣；另外尤其喜爱佢嘅秘制辣汁，小辣已经觉得几辣下，啱晒喜欢食辣嘅我。瑞士鸡中翼 :鸡中翼大大只，煮得好入味。上汤通菜 :完全估唔到$16有咁大碗，两个人食都足够。通菜鲜嫩无渣，用上汤煮清清地已经好好味。