影片
更多
2012-07-16
12 浏览
多得Groupon团购，今日就去试试呢间新开既1000円铁板烧！平时我甚少买团购餐饮coupon，因为好多实在好揾笨！一系份量劲少，一系超级唔好食！今次咁斗胆买嚟试试，就系因为见佢新开都搞团购(其实未都未正式开)，摆到明就系要打响个朵、做好宣传！我深信唔会差得去边既！无理由搞个团购一开波就搞衰自己个名卦！其实去之前都冇乜特别期望，况且团购价$98你都唔会抱有万二分既期望去食。佢既前身2000円料理放题我又未去过，所以完全冇reference佢提供既食材会系咩水平。我同男朋友比预约既时间早左好多到，见入面都几full，但都即管问下可唔可以早D入。门口接待𠮶位鬈毛哥哥，礼貌同服务态度好不错！等佢check清楚booking，好快就入得喇！入座之前既好service为呢间野加唔少分！入到去，略嫌抽风系统唔够好，都见有D烟。去过韩国𠮶D真系可以冇烟既呢！不过我好少去食铁板烧，所以唔知香港嚟讲佢算系比较好定差。而座位方面略嫌同隔离有D近，但还可以接受。其实佢都还算体贴的，佢D櫈其实系个箱，可以俾你放袋。只不过袋不能太大，如果唔系就入唔到，就要好似我男朋友咁放大髀成晚啰！好惨呢！而枱就比较细，大概
平时我甚少买团购餐饮coupon，因为好多实在好揾笨！一系份量劲少，一系超级唔好食！今次咁斗胆买嚟试试，就系因为见佢新开都搞团购(其实未都未正式开)，摆到明就系要打响个朵、做好宣传！
我深信唔会差得去边既！无理由搞个团购一开波就搞衰自己个名卦！
其实去之前都冇乜特别期望，况且团购价$98你都唔会抱有万二分既期望去食。
佢既前身2000円料理放题我又未去过，所以完全冇reference佢提供既食材会系咩水平。
我同男朋友比预约既时间早左好多到，见入面都几full，但都即管问下可唔可以早D入。
门口接待𠮶位鬈毛哥哥，礼貌同服务态度好不错！等佢check清楚booking，好快就入得喇！
入座之前既好service为呢间野加唔少分！
入到去，略嫌抽风系统唔够好，都见有D烟。去过韩国𠮶D真系可以冇烟既呢！不过我好少去食铁板烧，所以唔知香港嚟讲佢算系比较好定差。
而座位方面略嫌同隔离有D近，但还可以接受。
其实佢都还算体贴的，佢D櫈其实系个箱，可以俾你放袋。
只不过袋不能太大，如果唔系就入唔到，就要好似我男朋友咁放大髀成晚啰！好惨呢！
而枱就比较细，大概只能够放2碟。唯有食完先再拎，冇得眼阔肚窄啰～
食物方面，其实整体不错的！比想像中好！但可能碍于雪柜位置有限，所以食物都会分批拎出嚟！(注：食物是自己出去拎的！)
搞到我地一度以为冇乜野食！以为又系揾笨个案～ XD
后尾佢开始出其他款式既肉类就好D喇！同埋有海鲜、沙律的！
肉类猪牛鸡就唔少得架喇！仲有包到好似羊架既疑似羊架、鸡软骨、鸡肾，etc.
鸡肾好爽口～ 正正！其他肉类都算好食！
海鲜有虾、濑尿虾、青口 (出既次数似乎好少，抢到就抢啦~ XD)！仲有墨鱼仔、鱿鱼须、蚬仔！我地净系抢到虾，但D虾好难搣呀～ orz
蔬菜类就冇乜选择，好似有脆肉瓜 (唔知有冇睇错)！其他既仲有兜兜粟米粒、薯仔粒同金菇，可以成个兜兜直接放上去烧！
生果有菠萝，烧同唔烧都超正！劲juicy！对于我呢D菠萝精嚟讲super good呀！哈！
整体嚟讲，以咁既价钱......换到几好既服务，不错既食物质素... 系几满意的！
希望... 佢能够keep到服务同食物质素啦！
唔好好似其他任食咁越做越差！
但海鲜真系要出多D呢～ 再唔系海鲜类每人派一set啦！抢唔到好惨呢～ (┬┬＿┬┬)
题外话/补充资料：
本身个团购唔包野饮品，可以加$15任饮！饮品种类都算几多，汽水、妈妈奶、罐装茶都有！所以都OK的！
散买要$8，饮佢2罐就赚返喇～ 我一野饮左3罐！哈！
(以上食记乃用户个人意见 , 并不代表OpenRice之观点。)
张贴
