Mint Supper Club (已結業)

行街见到开咗间新嘅bar, 今日放咗工就过嚟试下 , 骤眼睇落都好大而且有两层, 入面嘅灯光同装修都几有气氛同情调, 梳化位好阔落 几舒服, 环境不错~原本谂住入嚟食西餐点知原来入到嚟先发现原来佢系食泰菜嘅, 系酒吧食泰菜都几特别 大虾柚子沙律酸酸甜甜好清新, 泰式春卷松脆香口, 外层既米网令成个口感更丰富。仲叫左个海南鸡, 够滑又有鸡香我最中意就供呢个泰式炒通菜, 好出色炒得好香! 估唔到喺酒吧都可以食到咁香嘅炒菜~happy hour时段有半价我哋叫咗两杯cocktail埋单两个人加埋嘢食都系三百几蚊 喺中环饮嘢嚟讲真系好抵!