Seoul Shiok (裝修中)

又话个个都北上消费，但星期六约朋友出旺角食饭人头涌涌，好事嚟嘅。原本想食同场𠮶间泰菜，唔记得咗叫咩名，不过因为冇订枱，要排Walk in，目测都要排一阵，个reception就sell我哋去隔篱𠮶间韩国菜，话系同佢哋同一间公司的。可能因为新开，相对比较冷清，不过我同朋友唔钟意排队等食饭，加上最近睇完黑白大厨，都心思思想食吓韩国菜，所以照入咗去试吓。叫咗个石头饭、蜜糖炸鸡同泡菜汤，味道同份量都唔错，冇伏，下次再试埋其他嘢。埋单都系三百几蚊，旺角区都系咁上下啦。