樂樂韓式豬手

营业中

休息中

听讲西九龙中心8楼嘅food court 云集各地美食，有中餐、西餐、泰国菜、新加坡菜、日本菜等等，呢到有好多不同嘅小店，而我今次就系想试呢间韩式小食，主要售卖三款小食，有饭卷、韩式年糕同埋韩式猪手。招牌原味猪手 原味有全份或半份，我拣咗半份，半份份量都几多，两个个人食就啱啱好，猪手肉质软腍，猪皮爽弹，骨胶原满满，仲有埋韩式酱汁，辣辣地食落好惹味，腌椰菜酸酸地，解腻一流！乐乐猪韩式原味饭卷 饭卷有几种口味，我拣咗原味，饭卷扎实不易松散，配料有蟹柳、青瓜、腌萝卜、红萝卜丝等，饭卷真系食极都唔厌。炸酱炒年糕贪心嘅我好想食炸酱面，又想食年糕，呢款炸酱炒年糕就啱晒我，年糕口感软糯，年糕沾满浓郁嘅炸酱汁，食到停唔到口。