梨滿園韓國料理

营业中

休息中

屋企人系科学园返工 今日入去接佢收工嚟咗呢间梨满园到食韩烧放题 可能系新装修新开嘅关系 整体嚟讲环境都好好坐 而且以韩烧餐厅嚟讲 呢度嘅油烟绝对唔大 每个炉上面都有独立抽油烟机 所以唔会好似好多韩烧餐厅咁黐立立/好烟。平时韩烧放题好多间都系自己出面夹唔同种类嘅肉同熟食 而且肉类大多都有腌料 而呢度就系用纸张落单 呢度嘅A+极级牛类大部分都系冇任何腌料 但正正因为无腌料 加上本身呢度牛肉嘅来货都算几好 所以牛肉味浓而油脂分布平均 唔会太韧太干 不过因为呢度酱汁选择唔多 所以叫咗店员畀咗碟盐 牛肉洒上少少盐 呢个价钱食到呢种牛肉级数都算高质 呢度肉类选择唔算特别多 但质数算几好 D虾仲好大只㖭 但最意想不到嘅系呢度嘅炸物系超级好食 我哋叫咗炸鱿鱼 炸豆腐同炸鱼 炸浆味道调味啱啱好 又唔会过厚 食落唔会感觉好吸油且好松脆 而鱿鱼 豆腐 鱼 分别仍然保留住弹牙 嫩滑 实在嘅口感 一定要试！至于饮品同雪糕就系自己喺出面自取嘅 饮品大多系汽水 如果有啲冇甜味嘅冻饮就更好了。Overall Experience唔错。