影片
更多
2024-04-13
101 浏览
本身自己一直都好钟意食寿喜烧，知道坊间有几间好出名，但系由于听闻都要早好多订位，最后选择试一试呢一间新开嘅寿喜烧餐厅。寿喜烧友位于铜锣湾，木系设计同餐厅外嘅竹墙营造到温馨朴实嘅感觉，同时带有一份恬静。不过我有留意到餐厅入边系播紧Yoasobi嘅歌，同禅风装修都有少少冲突，但系对食物质素唔会有影响。‣ Sukiyaki Lunch Set $580◦ 前菜三小钵◦ 茶碗蒸◦ 寿喜烧（肉眼、西冷、肩肉）餐厅采用兰王蛋，兰王蛋嘅蛋黄呈橙红色，光泽亮丽诱人，而兰王蛋可以话系我食过觉得蛋味最浓郁嘅鸡蛋，浓而不腥，绝对将A4和牛提升几个层次。而同时餐厅都提供「云朵蛋」作为沾肉蛋液，担心兰王蛋味道太浓郁嘅话就可以拣「云朵蛋」，口感相对上轻盈好多。但我比较重口味啲，觉得牛肉配兰王蛋简直冇得弹。餐厅都好俾心机，每一款肉片都会搭配唔同嘅食材，就好似芋丝、京葱等等。餐厅亦会推荐佢哋嘅食法，例如沾边一款蛋液等，所以我都能够好好享受每一块肉。餐厅调配嘅寿喜烧酱汁浓郁甘甜，但系甜咸比例啱啱好，唔会话过份甜或者死咸，所以可以带出到牛本身嘅香味。正如啱啱所讲搭配兰王蛋，令肉片嘅口感更加柔软嫩滑。当中令我最印象深刻嘅就
‣ Sukiyaki Lunch Set $580
◦ 前菜三小钵
◦ 茶碗蒸
◦ 寿喜烧（肉眼、西冷、肩肉）
餐厅采用兰王蛋，兰王蛋嘅蛋黄呈橙红色，光泽亮丽诱人，而兰王蛋可以话系我食过觉得蛋味最浓郁嘅鸡蛋，浓而不腥，绝对将A4和牛提升几个层次。而同时餐厅都提供「云朵蛋」作为沾肉蛋液，担心兰王蛋味道太浓郁嘅话就可以拣「云朵蛋」，口感相对上轻盈好多。但我比较重口味啲，觉得牛肉配兰王蛋简直冇得弹。
餐厅都好俾心机，每一款肉片都会搭配唔同嘅食材，就好似芋丝、京葱等等。餐厅亦会推荐佢哋嘅食法，例如沾边一款蛋液等，所以我都能够好好享受每一块肉。餐厅调配嘅寿喜烧酱汁浓郁甘甜，但系甜咸比例啱啱好，唔会话过份甜或者死咸，所以可以带出到牛本身嘅香味。正如啱啱所讲搭配兰王蛋，令肉片嘅口感更加柔软嫩滑。当中令我最印象深刻嘅就系肉眼，食落去嘅时候带俾我一种入口即溶嘅感觉。
◦ 米饭、渍物、味噌汤
◦ 鸡蛋盖饭
途中职员都会问你使唔使再加白饭，都好庆幸冇加到，如果唔系就食唔落鸡蛋盖饭。嫩滑嘅鸡蛋混合酱汁，洒上饭素，就好似将啱啱牛肉嘅精华都吸收晒咁，令你食嘅时候唔会觉得好饱食唔落，好快你就会食晒呢一碗。不过食完之后就真系觉得唔会再想食其他嘢，太饱了。
◦ 甜品、茶或咖啡
#foodbara_diary
张贴
