鶴崎居酒屋 (已結業)

印象中依个位置以前系一间西餐，当日放工妹妹就响附近等我收工，好想食日本嘢，就试吓呢一间。问过店员呢一间餐厅大概开咗三个几月，我哋入座嘅时候刚好飞机空运到嘅海鲜到咗，咁新鲜冇理由唔食。一般来讲呢间餐厅系用QR code自己落单，另外如果飞机货职员会推介有兴趣就直接揾职员落单就可以。我叫咗两只帆立贝，妹妹唔食生嘢，所以就拣烧嚟食，见到只日本北海道蚝（$128）咁大只，又要叫返一只。 帆立贝（@$88）其实都唔系全熟嘅状态有啲系半熟咁样，超级大只，味道极之鲜甜，啖啖肉。生蚝大过我只手掌，佢唔会话太过重海水味亦都冇我唔钟意嘅金属味，上面有啲柚子醋，酸酸地，爽口，令人回味。炸物串烧，都唔错。我哋分别点左鸡软骨$20、芦笋猪肉卷$32、鸡肾$28、七味墨鱼咀$48同埋大虾天妇罗$78。但系个云糖寿喜锅（安格斯牛小排）$188，好有特色。上枱之前店员喺旁边整咗一个棉花糖，原来系放系锅上面，甜味会带入去个汤底。牛肉肉质好靓，有牛味。入边嘅配料亦都唔会好吝啬，分量足够，我就另外加咗一个乌冬$25。我哋仲叫咗一个苹果雪葩，为晚餐画上一个完美嘅。好浓嘅苹果味道，有啲似日本王林苹果一样咁清甜，妹妹表示好满足。