Muse Burger (已結業)

今日行过呢条街，发现有间新开食burger餐厅。反正老公有节目唔同我食饭，咁就不如去睇吓。餐厅装修简约，墙上挂上黑白漫画，以burger为主题。呢度空间感大，感觉舒服。睇吓menu，除左burger，原来都仲有好多嘢食。有意粉同意大利饭，另外有小食，连all day breakfast都有。而饮品除左汽水同special drink外，仲有cocktail饮。而加试业期间，第二个套餐仲有半价添。最后，我就拣左个burger set。Muse burger：牛肉本身系安格斯牛肉，我就加$28升级左做和牛。面包软熟，牛肉juicy。里面夹住只蛋半生熟，流出蛋汁，好香。 另外仲有菇、蕃茄、烟肉、沙律菜同车打芝士等配料，配埋小店秘制酱汁，整体好有层次感，口感丰富，质素唔错。薯条：刚炸起热辣辣，薯条唔粗唔幼，点埋茄汁就已经好食。混合水果汽水：特饮样样都想饮，所以就叫左个mix。佢系青苹果、奇异果、百香果浓青柠汁同梳打水，mix埋几好饮。