渝人碼頭 (已結業)

朋友生日，喜好食辣野，上网search左呢间新开既麻辣火锅，所以就卜左位黎试试!餐厅几体贴，有围裙唔惊弹到件衫~我地嗌左两款汤底，一边系麻辣小辣一边系老鸭汤，老鸭汤可以饮，仲有鸭食，都唔错~麻辣汤就坚辣，几香，唔系一味得个辣字呢度既选择都算ok，牛肉有几款，嗌左两款牛同牛舌，已经唔记得叫咩名XD 不过都好好味，好滑同有牛味，肥瘦适中，牛舌6一6就食得，无骚味跟住仲嗌左碟伊比利亚猪，估唔到呢度有！伊比利亚猪都几出名好食，所以都唔会令人失望，一人一块唔够喉添@@值得一提既系呢个菇超特别，佢系连埋碌木一齐上枱，啲菇系呢碌木度生出黎，大家都觉得好神奇哈哈，味道唔错无咩草青味^^仲有重点：鸭血！！自重食台湾麻辣火锅认识左佢之后，就觉得一定要有，而呢间重庆风味既麻辣火锅竟然都有得食，so surprise! 味道不错，食落唔觉有腥味，而且夹落唔易散开，真才实料最后食完佢用酒杯俾左个沙冰我地饮，话食完辣野饮最岩㖞，系蜜桃味，清清地食物质素总体都唔错，有少少贵啦，每人400蚊左右，够哂饱，中意食辣既朋友仔可以一试。