糖山莊 (已結業)

今日，带囡囡上去顺利村探朋友，食完晚饭后，朋友话我生日，就话请我哋落去商场食特色甜品，心谂，甜品来来去去都系咁㗎啦，有几特别？远处望，见到个招牌叫＂糖山庄＂，内里环境都唔错，朋友推介，一定要试个心太软，我哋四个人，就叫咗心太软$35，鲜果泡芙伴雪糕$30，芒果白珍珠奶冻$28，随意$30，芒果捞河$26，个靓女话心太软系即焗，要等10分钟，所以大约10分钟后，所有食品一齐上，一上枱，我个小朋友哗一声，见到好鬼开心，大家一齐食，个心太软虽然个心甜咗少少，但好正，个芒果捞河好香椰汁味，我问佢哋系咪街市果啲河粉，佢哋笑笑口话系（讲笑啫）。个泡芙内里夹住个雪糕，外脆内冻，好鬼得意，而个芒果白珍珠奶冻，个奶冻软得嚟又滑，配白色珍珠又有咬口，加埋芒果粒同芒果汁，简直系绝配，最后要讲就系个随意，我朋友问点随意法，店员就话，你随意拣雪糕，如果你唔想拣，就我哋师傅帮你拣，好，就比师傅仔拣，原来系凉粉底，有啲白珍珠，一香芋一曲奇，有西瓜，有蜜瓜，好丰富呀，今晚甜品真系食到好满足，唔怪之得啲人话食甜品可以食到咁开心，原来就系咁解~仲有，朋友话真系好彩，原来今日开始，食满$40就盖一个印花，集齐10个，当$3