牛舞日本燒肉‧涮涮鍋放題

营业中

休息中

放宽左限聚令，终于今晚可以约返好耐无一齐食饭嘅friend聚一聚啦！今晚我地去左YOHO mall，见到有间新开张嘅餐厅，所以入去试一试。入到去环境都几好几舒服整齐。枱面上有QR code可以落单，我地叫咗烧肉餐，第一转食物好快就到。好肚饿嘅我地一开始就烧牛肉，佢地好细心系每块肉上都有小标签写明系咩肉，不过我地好肚饿，都无咩点看就烧！幸而牛肉好快熟，转眼已经可以食，牛肉好香软，和牛粒都好软滑，入口即溶，可惜唔记得影相。我地仲叫咗刺身同鸡肉串食下，不过味道无咩特别。但最正不得不提佢地嘅甲罗烧，真系好好味，好新鲜同蟹味好重，我地都忍唔住再返order。牛油带子都好香，烧紧时牛油味扑鼻，食落都好嫩口。后来我地烧到啲食物好易烧焦，同佢地职员讲返，佢地都好贴心帮我地换炉。最后食埋佢地嘅雪糕甜品我地就离去。虽然之后我地order嘅食物有啲慢，但我地追单时职员态度都几好，之后好快上到俾我地。餐厅仲有个机器人系度走嚟走去帮手搬碟入厨房，问返原来部机器人识唱生日歌，等下次有friends生日再过嚟食先。