金龍冰室 (已結業)

今日咁啱喺大围呢头收工 经过见到新开嘅呢间餐厅 成间餐厅都用浅蓝色做主调 几新鲜😮今日迟咗食lunch 成两点钟先食😿 但依然见到餐厅有好多人 好好生意咁 侍应服务好好 见到佢地对个个客人都笑住讲 请慢用 几窝心☺️我同同事叫咗一个饭餐同一个下午茶餐😋龙虾汁流心奄列鱼柳饭 好少见餐厅有龙虾汁配饭 决定试试佢😛 结果都几夹㖞 流心奄列里面有茄酱 本身以为佢系就咁一块炒蛋 几有惊喜 鱼柳都好热辣辣 新鲜炸好咁👍🏻下午茶餐可以系英文字母同数字各拣一项 我地拣咗芝士烟肉焗薯蓉配炸鸡髀 个芝士好浓郁🧀 配薯蓉好夹 佢入面仲加咗烟肉 烟肉几有咬口 食落几有层次 炸髀几juicy 鸡肉炸到啱啱好 唔会好韧🍗总括嚟讲 餐厅样样都即叫即做 所以好热辣辣 值得一赞🤤 个人觉得下午茶餐可以自由配搭好正🙊