初味

营业中

休息中

见到呢间新餐厅喺Openrice有好多好食评，所以就谂住嚟试吓。本身都有啲期望，但系最后变咗失望😔。啲嘢食等左好耐大概40分钟先到😪见到隔离枱都未有野食😓。夜晚得A la carte👆🏻冇晚餐套餐😕（净系影咗两页）唔包前菜同埋餐饮，连餐包都冇😔胡麻汁鲜茄茸意大利面配炭烧虎虾🦐（$148）虾好大只有两只，个汁系冇乜胡麻味，主要系鲜茄味。但系意大利面都煮得Al dente👍🏻🍝龙虾汁意大利面配风味烧波士顿龙虾（$218）龙虾好细旧同埋唔够新鲜，食得出系雪藏嘅，啲肉唔腍，比较干。意粉都系比较好啲，有 Al dente 嘅口感。健康之选 — 🐔香草烧春鸡（$138）好大旧，呢个价钱系唔错。啲肉好腍好多肉汁，唯一会推介嘅菜式👍🏻。🐷炭烧加拿大猪鞍（$168）唔系太腍有少少韧，但系调味都OK都好味。🥩炭烧美国顶级肉眼扒（$258）话就话有几旧系Medium，但系可以睇得出系完全煮得唔平均，有几旧系熟晒，有几旧系Medium😓。下次可能会午餐时间嚟，食晚餐就唔会啦（冇折扣，喺呢个位置嘅餐厅都唔算平，同埋食物质素唔会话特别好）新餐厅仲有好多嘢还可以改善下💪🏻，譬如系：上菜时间同埋某啲𩠌菜嘅煮法。