影片
更多
2015-02-01
365 浏览
元州商场大翻新，近排陆续有新进驻嘅舖头开张，亦有旧店转个舖位换个靓装从新开张，其中馥轩就系后者嘅其中一间。 新馥轩除咗保留面包店𠮶part之外，更系店内加多咗café。好几次行过门口，都俾佢门口号menu吸引到我。 今日中午，我终于去会一会新馥轩的café (应该叫「CafE.Bakery」至啱)。 我中午一点几去到元州商场，一去到E.B就有位，唔使等。店舖位于人流颇多嘅地方，唔使等位令我有D喜出望外。可能系星期日嘅关系，D人无咁早出门揾食？又或者，呢度一个餐嘅价钱唔算平，稍高于大众茶餐厅嘅常餐价钱，所以唔多人光顾？ Anyway，店内café一角地方唔算好大，只有二十个位左右，布置简约，坐得都舒服嘅。因为新开张无耐，服务都好殷勤，一坐低就端水上台。 睇完成份menu (solly，我无影到份menu嘅相＝＿＝)，我order咗全日餐B，饮热奶茶。 餐饮等咗一阵就上台，𠮶杯几靓～但我本人唔识品评奶茶，所以觉得OK(卦)，无特别comment。 野食就……因为即叫即整嘅关系，都等咗颇耐至上台。但一上台，我心里面就「哗」咗出黎，成碟野同menu上嘅相片一样ga！好感动～
新馥轩除咗保留面包店𠮶part之外，更系店内加多咗café。好几次行过门口，都俾佢门口号menu吸引到我。
今日中午，我终于去会一会新馥轩的café (应该叫「CafE.Bakery」至啱)。
我中午一点几去到元州商场，一去到E.B就有位，唔使等。店舖位于人流颇多嘅地方，唔使等位令我有D喜出望外。可能系星期日嘅关系，D人无咁早出门揾食？又或者，呢度一个餐嘅价钱唔算平，稍高于大众茶餐厅嘅常餐价钱，所以唔多人光顾？
Anyway，店内café一角地方唔算好大，只有二十个位左右，布置简约，坐得都舒服嘅。因为新开张无耐，服务都好殷勤，一坐低就端水上台。
睇完成份menu (solly，我无影到份menu嘅相＝＿＝)，我order咗全日餐B，饮热奶茶。
热奶茶
26 浏览
0 赞好
0 留言
全日餐Ｂ
$40
56 浏览
0 赞好
0 留言
我先食包底嘅脆猪包。嗯～真系外脆内软，外面脆到呢，唔好意思，我呢排热气，牙肉有D痛，一啖咬落去，脆亲我D牙肉，痛……(＞＿＜) 但我唔会怪佢嘅。而入边就，软到好似棉花糖咁～好耐无食过咁正嘅脆猪包啦～不过大家真系要趁热食咗个脆猪包先，另一边脆猪包我系餐末摊冻晒至食，就搞到成个包连入边都硬埋，食到我个口好痛……(返屋企煲D凉茶饮下先)
跟住食鸡扒，切一大块摆入口(嗯，我无乜仪态，失礼晒XD)，好～入～味～呀～我钟意～跟住食埋D拌碟嘅沙律菜，即刻觉得成个餐健康晒～再食埋薯蓉捞茄汁豆，又系唔错，薯蓉整得好creamy，入口即溶。
试埋份炒蛋，整体OK，因为份蛋做得比较厚(方便叉&切)，所以只有表面系湿滑，底部及中间都比较实，不过我又无乜所谓，我接受能力高。
我食呢个餐(叫All-day Combo)跟热饮(我忘了冻饮要加几钱，印象系more than HK$2)，cost me HK$40。可能大家第一印象会觉得，贵咗D㖞……但其实佢都只系比大众茶餐多五六蚊，不过成份野嘅portion都好大，我自问系女生当中都算大食(碟头饭可以成碟清晒XD)，食完成碟都好鬼饱，单计份量都值40蚊ga。而且唔好忘记，佢系一间café，以café黎讲，40蚊系算平添。再讲服务，虽然地方细细，但员工都算多，里里外外都有成差不多十个人，其中有好几个唔系著制服疑似老板嘅人物，做野劲亲力亲为，唔单止带客人埋位、落单、执台，仲入埋厨房洗碗添！(我坐系对住厨房嘅2人小圆台，所以睇得一清二楚)
疑似老板仲会系无咁忙嘅时候，同客人倾下食物如何如何。我仲见佢哋出完菜后，会返埋厨房，同厨房讲头先出𠮶份食物，水准争D，望落点点点，要做成点点点至啱，云云。哗～𠮶份做事嘅要求&热诚，已经值得俾100分啦！40零蚊一个餐咋，人哋付出好多心意ga，即刻觉得抵返晒。
不过我都有D担心，要一直keep住咁高水准，唔容易啰，希望E.B加油，keep it up！
最后，我见menu仲有厚toast、waffle、ice-cream之类嘅野食，都好吸引咁样，等我下次tea time再黎试下先～=^__^=
题外话/补充资料：
café与面包店section系分开收银ga.
(以上食记乃用户个人意见 , 并不代表OpenRice之观点。)
张贴
