稻菊日本餐廳 (已結業)

听讲呢到天妇罗好出名，所以就黎试下。虽然餐厅喺酒店入面，但系都算系causal dining嘅餐厅。服务一流，员工乐意解答同介绍餐牌。可能系星期五，所以生意都非常好，员工都好忙，但态度依然好好！我地叫咗一个set再加咗寿司盛，同细嘅天妇罗。前菜，有莹光鱿鱼，螺，无花果，生蕃茄，同甜蕃薯呢个系寿司盛。个海胆中拖罗真系好好味！好新鲜！朋友本身唔食海胆，都话好味，好鲜甜！龙虾刺身，上面嘅金箔，令到成个卖相好高贵！呢个就系天妇罗，有海虾，蟹拑，南瓜，蕃薯，鱿鱼，冲绳苦瓜，鱼。真系好好味，除咗天妇罗汁，侍应仲俾咗海盐，咖哩海盐，同柠檬角我地。天妇罗虾加小小咖哩海盐，个味出哂黎！呢个牛肉，点埋个蛋，放入口即溶，真系好想再食！生果盘都好出色，有水晶梨同蜜瓜蜜瓜好Juicy，好甜！价钱虽然有啲贵，但真系物超所值！