波士冰室 (已結業)

同小朋友上完课外活动，中间有个空档就走咗去食下午茶，荃湾沙咀道近近地有一间波士冰室，啱晒带小老板去食。地方干净企理，特色装修充满怀旧色彩，座位阔落，空间感十足。生炸鸡脾伴杂果沙律 $45老板想食炸鸡🍗我又想食沙律，下午茶最抵食！生炸鸡脾热辣辣香喷喷，皮脆肉嫩又多汁，鸡髀调味很入味，啖啖肉老板仔食得好滋味！杂果沙律正宗冰室的怀旧味道，蔬果蔬菜健康的，食得平衡啲人都靓啲。阿华田沙冰 下午茶餐加钱要特饮，个人极力推荐阿华田沙冰 ，浓郁的阿华田味道，沙冰 creamy 口感，软绵绵又滑。猪扒脆皮菠萝包 $38猪扒炸到脆皮口感，猪扒厚肉好味道，新鲜出炉菠萝包，甜得来又够酥脆，越食就越想食。红豆冰劲有特色红豆冰，香滑奶味，又有红豆🫘香。＋$8 加半份花生酱西多士呢份西多士真系滋味无穷！花生酱劲厚，西多士充满蛋香。杨州炒饭 $46因为惊唔够饱，所以最后叫咗个迷你炒饭，材料丰富，炒饭粒粒饱满，很满足的一个下午。